“စာေမးပြဲေျဖေနသည့္ ေက်ာင္းသူ (၂၀) ဦးထံတြင္ ကိုဗစ္ပိုးေတြ႕”

မော်လမြိုင်၊ ဇွန် ၂၄

 

မော်လမြိုင်တက္ကသိုလ်အတွင်း ကိုဗစ်ရောဂါပိုးတွေ့ရှိမှုမြင့်တက်လာခဲ့ပြီးနောက် စာမေးပွဲဖြေဆိုနေသူ (၂၀) ဦးခန့်တွင် ရောဂါပိုးတွေ့ရှိခဲ့ကြောင်း မော်လမြိုင်တက္ကသိုလ်သတင်းဌာနက ဖော်ပြထားသည်။

သီးသန့်ခွဲထားကာ အဆောင်တွင်း စာမေးပွဲဖြေဆိုနေသည့် မော်လမြိုင်တက္ကသိုလ် အင်ကြင်းဆောင် ကျောင်းသူ (၂၅) ဦးအနက် ကျောင်းသူ (၂၀) ဦးတွင် Covid-19 ရောဂါပိုး ထပ်မံတွေ့ရှိ‌ကြောင်း ဇွန်လ (၂၃) ရက်နေ့က စစ်ဆေးမှုများအရ သိရှိရသည်။

တက္ကသိုလ် တာဝန်ရှိသူများက ကျန်ရှိ‌သော ကျောင်းသူ/သားများအား စာမေးပွဲ ပြီးဆုံးသည်အထိ ဆက်လက်ဖြေဆိုနေစေပြီး အဆိုပါ ကျောင်းသူ (၂၀) ဦးကို စာမေးပွဲဖြေဆိုမှု ရပ်နားထားကာ ထားဝယ်ဆောင်၌ Quarantine ထားရှိကြောင်း သိရသည်။

လက်ရှိအချိန်အထိ မော်လမြိုင်တက္ကသိုလ်အတွင်း ရောဂါပိုး ကူးစက်ခံထားရသူ (၄၀) ဦးခန့်ရှိနေပြီဖြစ်သည်။

ကိုးကား – မော်လမြိုင်တက္ကသိုလ်သတင်း

zawgyi

ေမာ္လၿမိဳင္၊ ဇြန္ ၂၄

ေမာ္လၿမိဳင္တကၠသိုလ္အတြင္း ကိုဗစ္ေရာဂါပိုးေတြ႕ရွိမႈျမင့္တက္လာခဲ့ၿပီးေနာက္ စာေမးပြဲေျဖဆိုေနသူ (၂၀) ဦးခန္႔တြင္ ေရာဂါပိုးေတြ႕ရွိခဲ့ေၾကာင္း ေမာ္လၿမိဳင္တကၠသိုလ္သတင္းဌာနက ေဖာ္ျပထားသည္။

သီးသန႔္ခြဲထားကာ အေဆာင္တြင္း စာေမးပြဲေျဖဆိုေနသည့္ ေမာ္လၿမိဳင္တကၠသိုလ္ အင္ၾကင္းေဆာင္ ေက်ာင္းသူ (၂၅) ဦးအနက္ ေက်ာင္းသူ (၂၀) ဦးတြင္ Covid-19 ေရာဂါပိုး ထပ္မံေတြ႕ရွိ‌ေၾကာင္း ဇြန္လ (၂၃) ရက္ေန႔က စစ္ေဆးမႈမ်ားအရ သိရွိရသည္။

တကၠသိုလ္ တာဝန္ရွိသူမ်ားက က်န္ရွိ‌ေသာ ေက်ာင္းသူ/သားမ်ားအား စာေမးပြဲ ၿပီးဆုံးသည္အထိ ဆက္လက္ေျဖဆိုေနေစၿပီး အဆိုပါ ေက်ာင္းသူ (၂၀) ဦးကို စာေမးပြဲေျဖဆိုမႈ ရပ္နားထားကာ ထားဝယ္ေဆာင္၌ Quarantine ထားရွိေၾကာင္း သိရသည္။

လက္ရွိအခ်ိန္အထိ ေမာ္လၿမိဳင္တကၠသိုလ္အတြင္း ေရာဂါပိုး ကူးစက္ခံထားရသူ (၄၀) ဦးခန္႔ရွိေနၿပီျဖစ္သည္။

ကိုးကား – ေမာ္လၿမိဳင္တကၠသိုလ္သတင္း